Mintzakide taldeak antolatzen ari dira

2013-2014 ikasturteko Mintzakide taldeak antolatzen ari dira. Urriaren 19ra arte eman daiteke izena taldeetan parte hartzeko.

Gogoan hartu Mintzakide taldeen helburua jendea euskaraz hitz egiteko elkartzea dela, partaideen ordutegi eta zaletasunen arabera. Aukera paregabea da euskaltegian ikasitakoa praktikan jartzeko, eta jende euskalduna ezagutzeko.

Mintzakide egitasmoaren helbidea interneten: blogak.com/mintzakide

Bertan, informazio guztia aurkituko duzue.

Eta begira ezazue zer kartel egin duten kanpainarako! Ze ona! Suuuupermintzakideak!

Bestalde, gogoan hartu aurreko batean mintza praktika "on line" egiteko aukera ere badela mintzane.net web gunean.

mintzanet.net, mintza euskaraz interneten

Hauxe da mintzanet.net web gunearen aurkezpen testua:

Euskara ikasten ari zara baina ez daukazu norekin praktikatu?   Euskara ikasi zenuen, baina erdi ahaztuta daukazu? Euskaltegiko saioez gain, euskaraz egiten duten mintzakideak topatu nahi dituzu?

Eta hala da. Internet bidez (skype erabiliz), euskaraz hitz egiteko, mintzatzeko, aukera eskaintzen du Donostiako Udalak lagundutako web gune honek.

Beste gauza askotan bezala, jendea portatzen delako funtzionatzen du honek ere; hau da, jendea boluntario gisa aritzen da euskaraz. Mintzakide, Berbalagun... eta horiek bezalako kontua da, baina on line.

Euskara ikasten ari den jendearendako oso interesgarria izan daiteke. Norberak aukeratzen du noiz egin nahi duen saioa, maiztasuna, zenbat ordu, zein gairi buruz hitz egin nahi duen, zein adinatako jendearekin...

Ikusi bideoa, eta atera zuek zeuon ondorioak.

Web gunearen helbidea, hauxe duzue: 

http://www.mintzanet.net/mintzanet.php

Anima zaitezte!

bideoa - Gora euskaldun berriak!!! Goooooora!!!