ariketa - asmoak asmo!

Zenbat asmo ez ote dugun izaten bizitzan! Eta zer nolako zailtasunak izaten ditugun horien berri ematean!

Egunotan, berriz ere ibili gara asmoak adierazteko modurik finenen inguruan. Beheko ariketan, klasean landutako esaldi batzuk dituzue, hutsuneak betetzeko. Gogoan hartu bi galdera mota izaten dugula buruan asmoaz hitz egitean: Zer egiteko asmoa duzu/dut/dugu...? eta zein da zure/nire/gure... asmoa?

Gogoan hartu, aurreko batean ere horretaz hitz egin genuela, eta blog honetan berean azalpentxo batzuk jarri genituela (egin klik hemen azalpen horiek ikusteko).

Saia zaitezte ariketa egiten, ea azkar eta ongi ikasten duzuen "asmoa" famatua erabiltzen!

Asmoak asmo!

zalantza - "joateko asmoa dut" ala "nire asmoa joatea da"?

ASMOA: DA/DU

Zerbaitetarako aurrez izaten den ideia (Adorez hiztegiaren definizioa).

Kontuan hartu behar da zein galderarekin ari garen jolasean asmoaz hitz egiten dugunean: Zein da zure asmoa? Zer asmo duzu?

Galdera bati edo besteari erantzutea ez da gauza bera:

Adibideak:

• Udako oporretan nire asmoa da liburu bat irakurtzea (zein da asmoa?)
• Nik asmoa dut txokolatezko kruasan bat jateko (zer egiteko asmoa?)
• Nire asmoa zen txango bat egitea baina eguraldi txarra egin zuenez, zinemara joan nintzen (zein zen asmoa?).