A2 | Felipe medikuaren kontsultan

Quino marrazkilari famatuaren komiki hau landu dugu klasean. Bertako istorioa prestatu eta grabatu dugu, eta hemen jarri dugu errapasoa egiteko.

Begiratu komikia, entzun grabazioa, eta gero egin ariketa.

Grabazioa

Ariketa

Felipe medikuaren kontsultan

iniciación | elkarrizketak / conversaciones

Irudia hemendik hartua

Klasean elkarrizketatxo batzuk egin dituzte ikasleek. Hemen jarri ditugu errepasatzeko.

Hemos grabado tres conversaciones que hemos trabajado en clase, y las hemos puesto aquí para poderlas repasar. Son conversaciones sencillas, con un montón de ingredientes interesantes para usar en muchas otras. Escúchalas, repítelas, y haz los ejercicios de repaso correspondientes para aprenderlas.

Ah! Y lo más importante! Intenta utilizar lo que aprendas siempre que puedas fuera de clase!




Okindegian | En la panadería

errepasorako ariketa | ejercicio de repaso

Okindegian


Arropa dendan | En la tienda de ropa

errepasorako ariketa | ejercicio de repaso

Arropa dendan


Aspaldiko lagunak tabernan | Viejas amigas en el bar

errepasorako ariketa | ejercicio de repaso

Aspaldiko lagunak tabernan

ariketa | gorroto dut ur hotzarekin dutxa hartzea

Irudia hemendik hartua

Egun hauetan gustatzen zaizkigun gauzez eta gorroto ditugunez hitz egin dugu klasean. Zer gorroto dugu? Zer gustatzen zaigu? Zer ez egiteagatik ordainduko genuke? Zer egitea ez zaigu inporta? Horrelako kontuak izan ditugu hizpide. Ikasleek pare bat elkarrizketa sortu dituzte beren gustuak azaltzeko, eta hemen jarri ditugu entzungai, ariketa pare batekin batean, errepaso moduan egiteko. Eta zuek? Zer gorroto duzue?


Dutxa hotza

Dutxa hotza

Kirola gustuko
  Kirola gustuko

audioa | Iruñeko Foruen Monumentua eta bere egileen istorioa

Irudia: NAFARROA WOW

Denok ezagutzen dugu Iruñeko Sarasate pasealekuko Foruen Monumentua. Monumentuaren goialdean, emakume gazte baten irudia dago, Foru Legea erakusten ari dela.

Baina, nor da emakume hori? 

Eskultura egiteko modeloa izan zen emakumearen inguruko informazioa lortzeko, ikerketa lan sakona egin dute euskaltegiko ikasleek, eta audio interesgarri honetan bildu dute zuen gozamenerako.

ariketa | Apirilaren 25ean, Anahitasunara!

Apirilaren 25ean ekitaldi garrantzitsua eginen dugu Iruñeko Anaitasuna kiroldegian euskaraz bizitzeko eskubidearen alde; euskaraz bizi nahi dugunok, ozenki eta argiki aldarrikatuko dugu geure nahi hori.

Gure ikasleren bat, ordea, oraindik ez zuen horren berririk, eta elkarrizketa interesgarria sortu da gure geletako batean.

Elkarrizketa hori txukundu egin dugu, grabatu, eta errepasorako ariketatxoa ere prestatu dugu.
Erabili dugun musika Broken Brothers Brass Band taldearena da.
Plazer baduzue, hementxe duzue:


Entzun grabazioa Egin ariketa 
Apirilaren 25ean Anahitasunara

ariketa | Aste Santuko oporrak prestatzen

Irudia hemendik hartua.

Aste Santuko oporrak iristeko gutxi falta da! Eta oporretan fundamentua egiteko, lehenago hasi behar dugu pentsatzen zer eginen dugun. Klasean, horretaz hitz egin dugu, eta pare bat elkarrizketa prestatu dugu. Hementxe dituzue errepaso moduan erabiltzeko. Entzun elkarrizketak, eta gero, egin ariketak.
Ongi pasa oporretan!





Aste Santuko oporrak 01 elkarrizketa

Aste Santuko oporrak 01 ariketa

Aste Santuko oporrak 01

Aste Santuko oporrak 02 elkarrizketa

Aste Santuko oporrak 02 ariketa 

Aste Santuko oporrak 02

musikaz blai 03 | Musika eta Iraultza

Musika zale amorratuak garela, aizue! Eta hemen gatoz, berriz ere, Musikaz Blai gure musika irratsaioaren beste ale bat ekartzera!
Oraingoan, musika iraultzaileari buruzko saioa prestatu dugu.

Iraultza, izatekotan, musikaz blaitua izanen da, ala ez da izanen! Hori argi dugu guk! Horregatik, modu batean edo bestean iraultzarekin harremana duen musika aukeraketa egin dugu. Saioak 40 minutu inguru irauten du. Ea zer iruditzen zaizuen!

Beti bezala, Los Coronas taldearen Polk Salad Annie kanta erabili dugu saioaren hasiera eta amaiera girotzeko.

Eta gogoan hartu Musikaz Blai saio guztiak entzungai dituzuela blog honetan!

Honako hauek dira irratsaioan entzunen dituzuen kantak, hurrenkera honetan:

• The Renegades of Funk - Rage Against The Machine
• Eusko Gudariak
• Somos Cinco Mil - Víctor Jara
• Folías de Libertad - Los Sabandeños
• The Partisan - Leonad Cohen
• Sale Sobrando - Lila Downs
• Himno de la Unidad Sandinista - Carlos Mejía Godoy
• ¡A las barricadas!
• Ke se vayan - Solbenzia Zero

haur hizkera | Pupu eta papa

Irudia hemendik hartua

Nola hitz egiten diegu haurrei euskaraz? Maiz, helduei bezala egiten diegu, eta euskarak -hizkuntza guztiek bezala- badu "haur hizkera" delakoa, hau da, haurrei hitz egiteko modu berezia.

Hemen aurkituko dituzu audio bat, ariketa txiki bat eta hitz gurutzatuak asmatzeko jolas bat haur hizkeraz zertxobait ikasteko.

Eta ez ahaztu; blog honetan berean, haurrei euskaraz egiteko modua ikasteko material gehiago dituzu "haur hizkera" etiketa klikatuta.


Entzun grabazioa:


Grabazioa entzun ondoren, saia zaitez beheko ariketa egiten. Bertan, grabazioan entzundako testua duzu idatzirik, eta hutsune batzuk bete beharko dituzu:


Haur hizkera: PUPU eta PAPA

Eta, bukatzeko, honatx ikasitakoa errepasatzeko hitz gurutzatuak:

Haur hizkera PUPU eta PAPA 2

iniciación | días de la semana / astegunak

Ikasi astegunak / Aprende los días de la semana
Entzun audioa, eta ordenatu astegunak / Escucha el audio y ordena los días de la semana


Astegunak / Días de la semana

ariketa | Angelen arratsaldea

Erretiratuta dago gure Angel. Baina orain, lanean ari zenean baino lanpetuago dabil, familiako guztiek mesedeak eskatzeko deitzen diotelako. Gaur arratsaldean, adibidez, bere amak eta bere semeak deitu diote.
Entzun itzazu beheko bi grabazioak, eta egin itzazu ariketak. Hainbat aditz laguntzaile errepasatzeko baliko dizu!
Ariketa luze samarra da. Horregatik, bi ataletan banatu dugu: Angelen arratsaldea 1. atala, eta Angelen arratsaldea 2. atala. 
Grabaziorako erabili dugun musika: Joseba Irazoki





Angelen arratsaldea 1. atala 

 Grabazioa Ariketa Angelen arratsaldea. 1. atala


Angelen arratsaldea 2. atala 

Grabazioa Ariketa Angelen arratsaldea. 2. atala

hiztegia | elurrari eta neguari buruzko hiztegia errepasatu

Irudia hemendik hartua

Hemen duzu hizki zopa bat. Baietz aurkitu elurrarekin eta, oro har, neguarekin lotutako 7 hitz!


Hiztegia: Elurra eta negua

ariketa | Argindarraren faktura

Irudia hemendik hartua

Angelek ikaragarrizko faktura jaso du. Argindarra beti bezala kontsumitu du azken boladan, baina orain, inoiz baino gehiago kobratu nahi diote.
Entzun ezazu Angelen istorioa pare bat aldiz, eta gero saiatu beheko ariketa egiten.
Musika: Tapia eta Leturia

Grabazioa


Ariketa

Argindarraren faktura

esaera | Bazen garaia!

Zerbaiten zain gaude. Zerbait gertatzea nahi dugu. Azkenean, gertatzen da, iristen da momentua. Eta orduan... a ze poza! "Bazen garaia!"

Horixe da esaera hau erabiltzeko egoera. Adibidez, klasean aspergarri bat bukatzen denean erabiltzen dugu. Edo oporrak iristen direnean. Horrelako egoera batzuk pentsatu ditugu, eta elkarrizketa batzuk sortu ditugu "Bazen garaia!" esaera tartekatzeko. Hemen dituzue grabaturik.

Entzun itzazue, eta gero, egin azpiko ariketa errepaso gisa.

Beste egoeraren bat, edo elkarrizketaren bat bururatzen bazaizue, idatzi iruzkinetan, eta gustura irakurriko ditugu!
Grabazioko musika: Anaia Arrebak

Grabazioa



Ariketa

Bazen garaia!

film laburra | Zela Trovke

Film labur ederra benetan, Asier Altunak zuzendua. Hemen duzue Kimuak-en webgunean jarria dagoen azalpen testua:

Moritat hilketei buruzko Europa erdiko herri-kanta zaharrak dira. Horietako bat da Zela Trovke eslovakiarra, eta Holland Baroque Society-k bere Barbaric Beauty kantutegirako berreskuratu du. Maite Larburu aipatutako orkestrako biolin-jotzailearen eskutik jakingo dugu zertaz ari den abestia.

musikaz blai 02 | Soinu-bandak

Hemen gatozkizue berriz ere zuen belarriak musikaz blaitzera!
Musikaz Blai ikasleok egiten dugun musika saioa duzue, eta gure musika zaletasuna zuekin guztiekin partekatzea du helburu.

Oraingoan, soinu-banden inguruan antolatu dugu, eta horretarako, geure film kuttunenetako musika bildu dugu.

Hiru ordu laurden irauten du saioak, eta Musikaz Blai 01 saioan egin genuen bezala, kanten inguruko azalpentxo batzuk entzunen dituzue bakoitzaren hasieran, eta ondoren, kanta osorik.
Goza ezazue!

Hemen duzue aukeratu ditugun kanten zerrenda:

• The good, the bad and the ugly, Ennio Morricone. The good, the bad and the ugly filmekoa.

• Douha Alia, Cheb Mamy. Barrio filmekoa.

• The sacrifice, Michael Nyman. The Piano filmekoa.

• The eye of the tiger, Survivor. Rocky III filmekoa.

• Volando voy, Kiko Veneno. Volando voy filmekoa.

• Comptine d'un autre été, Yann Tiersen, Hutsun txalaparta taldearen bertsioa. Amelie filmekoa.

• Adagio for strings, Samuel Barber. Platoon filmekoa

• The end, The Doors. Apocalypse now filmekoa.

ariketa | Anderrek gidabaimena atera nahi du

Irudia hemendik hartua.

Anderrek gidabaimena atera nahi du, baina... aix! Ez du dirurik. Horregatik, gurasoekin hitz egitea erabaki du.

Ariketa honetan, grabazio bat entzunen duzu, eta gero, grabazioaren transkripzioan hutsune batzuk aurkituko dituzu betetzeko. Klasean landutako zenbait kontu errepasatzeko balioko dizu.

Ea zer moduz egiten duzun!


Grabazioa



Ariketa

Ander

ariketa | Tatok, Danik eta Mikelek piper egin dute gaur.

Argazkia hemendik hartua.

Horixe bada, gaur Tato, Dani eta Mikel ez dira klasera etorri, piper egin dute!

Hori bai, bakoitzak arrazoi bat zuen horretarako, eta gainerako ikasleek komentatu egin dituzte; bat gaixorik dago, beste bat ikastaro bat egiten ari da, eta besteak piper eginen zuela esateko mezu bat bidali du, baina ez du azaldu zergatik.

Entzun grabazioa, eta egin beheko ariketa, ea zer moduz ateratzen zaizun!
Musika: Piperrak - Kualkier dia


Grabazioa



Ariketa

Tatok, Danik eta Mikelek piper

haur hizkera | Haurren munduko hiztegi txikia

http://aldizkaria.elhuyar.org/site_media/photologue/photos/INGG0678.jpg

Haurren munduko hiztegi txikia / Pequeño diccionario para hablar con los niños en euskera Juan Inazio Lizarraga Lazkanok eginiko tresna interesgarria da haur hizkerara hurbiltzeko. Nafarroako Gobernuak argitaratua, haurrekin euskaraz hitz egiteko hitzak, esaerak, jolasak eta kantak biltzen ditu.

Haur txikiekin aritu behar baduzue, hiztegi hau kontsultatzeko gomendatzen dizuegu, oso eduki praktikoak baitakartza. Haurrekin euskaraz egiteko ohiturarik ez baduzue, hiztegi honetako edukiak pixkana erabiltzen hastea da hoberena. Emaiozue begiratu bat, eta erabaki zein hitz, esaera edo kanta izan daitekeen zuentzat erabilgarriena. Hasi batekin, gero beste batekin, eta segi ahalik eta gehienak erabili arte. Euskara maila ez da arazoa, askotan errepikatu behar izaten baitira hitzak haurrekin, eta horixe da ikasteko biderik egokiena.

Hementxe bertan kontsultatu dezakezue hiztegia, edota PDF formatuan deskargatu:

esaera | Bai zera!

Zerbait posible ez denean, zerbaitekin ados ez gaudenean, edo oso harrigarria iruditzen zaigunean, askotan erabiltzen dugu bai zera! esaera.


Klasean, praktika txiki batzuk egin ditugu, eta hemen dituzue errepasatzeko.


Entzun grabazioa pare bat aldiz, eta gero, saiatu ariketa egiten (grabazioko musika Gatibu taldearena da, Ure dakar zeruek izeneko kanta).

Zuri beste adibideren bat bururatzen bazaizu, animatu zaitez eta idatzi iruzkinetan!


Grabazioa

Ariketa

Bai zera!

A1 Etxeko atarian

eu
Etxeko atarian, ohiko elkarrizketa arinak izaten ditugu auzokoekin. Euskaraz egiteko aukera baldin baduzu, hemen duzu ikasteko adibidetxo bat.
Entzun grabazioa, eta gero egin beheko ariketa.

es
Típica conversación ligera entre dos vecinos de portal. Si tienes opción de mantener alguna en euskera, aquí te proponemos una bien fácil para que la aprendas y la practiques.
Escucha la grabación, y después haz el ejercicio.





Etxeko atarian