musika | Napoka Iria

Argazkia Entzun! aldizkaritik hartua.

Musika proposamena oraingoan; Napoka Iria bikotea. Bikote honek Arnasten ikasteko berriz izeneko diskoa kaleratu du aurten, eta arrakasta nabarmena lortzen ari da. Diskoa osorik entzun edota eros daiteke taldearen web orrian: http://napokairia.bandcamp.com/ 

Entzun! aldikarian, honela aurkeztu zituzten:

Napoka Iria Ander eta Mirenek osatutako bikotea da. 2003 aldera elkar ezagutu eta segituan hasi ziren musika konpartitzen. Gehiegi itxaron gabe aurreikusi gabeko kontzertuei ekin zieten. Emanaldiok formatu akustikoan eskaintzen dituzte, bi gitarra akustiko eta ahotsa erabiliz. Inoiz, beste musikari batzuen laguntza izan dute, tartean Maite Arroitajauregi txelo jolea (Kokein, Anari).

Estilo atmosferiko orijinala, erritmo lasaiak, letra landuak, sorpresaz beteriko doinuak, ahotsarekin jolas interesgarri eta zailak, gitarra akustiko zainduak... gozatu daitezke Napoka Iriaren musikan.

Horren adibide, bideo hau:

Aurreko batean, Tumatxak! Eitbko saioari buruzko mezua jarri genuen blog honetan. Euskal musikari buruzko saio horietan guztietan, euskal kanta ezagunen bertsioak egin zituen Napoka Iriak (Joseba Irazokirekin batera). Saio horiek ikus nahi badituzue, hemen dituzue denak bildurik.