Musikaz Blai 08 | Herrialde zapalduak eta emakumearen bazterketa

Bai, hala da, berriz egin dugu! Beste musika irratsaio izugarria prestatu dugu zuen belarriak gozatzeko!

Oraingoan gaia hautatzeko eztabaida sutsua izan dugu klasean, eta emakumearen egoera eta herrialde zapalduena uztartzea erabaki dugu azkenean.

Ikasleek txintxo demonio egin dute haien lana, eta bakoitzak kantu bat aukeratu eta haren aurkezpena landu du, modu bikainean, bai hooooixe!!!

Ordu bete inguruko saioa da, eta edozein momentutan edo egoeratan entzun daiteke gustura; lanean ari zaren bitartean, arropa lisatzean, komuna garbitzean, amorantearekin zauden bitartean... zu zeu!

Gogoan hartu aurreko Musikaz Blai irratsaio guztiak entzungai dituzula blog honetan Musikaz Blai etiketapean.

Gora musika eta biba euskara!!!

Honatx saio honetako kanten zerrenda:

• Baraye - Shervin Hajipour
• Erre zenituzten - Xabi Solano
• La Carta - Violeta Parra
• Antipatriarca - Anita Tijoux 
• Río abajo - Anita Tijoux
• Canción sin miedo - Vivir Quintana con el mariachi Mexicana hermosa
• Quien manda (Hemen eta hor) - Esne Beltza ft. Mala Rodríguez & Fermin Muguruza
• Hierro - Ketekalles
• Maravillas - Berri Txarrak
• Pétalos - Barricada
• Agrupación de Mujeres Violentas - Def Con Dos
• Reina - Ruth Lorenzo & @Tanxugueiras
• Machirulo escóndete - Tongo

Musikaz Blai 07 | Soinu-bandak II

Ongi etorri musikazaleok Musikaz Blai saiora!!

Hemen gatoz berriro ere Campiongo ikasleok, zuen belarriak musikaz blaitzera!! 

Aurreko saioetan hainbat gai aukeratu ditugu abestiak aurkezteko, eta horietako batean filmetako soinu bandak gaia aukeratu genuen. Hala ere, banda garrantzitsu batzuk aipatu gabe utzi genituela iruditu zaigu, horrexegatik, saio honetan aurreko hura osatzen saiatuko gara.

Historiako film eta soinu bandarik onenetarikoak ekarriko dizkizuegu, aurretik egindako zerrenda hura osatzeko.

    

Hona hemen aukeratutako abestien zerrenda:

• RAINDROPS KEEP FALLING ON MY HEAD, B.J. Thomas. Bi gizon, patu bakarra filmekoa
• FOR THE LOVE OF A PRINCESS, James Horner. Braveheart filmekoa
• RAIDER’S MARCH, John Williams. Indiana Jones, arka galduaren bila filmekoa
• WANDERING STAR, Lee Marvin. Izenik gabeko hiriaren kondaira filmekoa
• EZ DUGU NAHI BESTE BERORIK, Alos Quartet. Akelarre filmekoa
• WATERLOO, ABBA. Mamma mia! filmekoa
• NOW WE ARE FREE, Hans Zimmer. Gladiator filmekoa
• INTERNAZIONALA. Gorriak filmekoa
• THE WINNER IS, Mychael Danna eta Devotchka. Miss Sunshine Txikia filmekoa

                            Prest zaudete? argiak, kamera, akzioa!!

Jakin izan banu!

Zenbat aldiz ez ote gara damutu zerbait egin izanaz, edo egin ez izanaz?

Eta horrelakoetan, zer nolako esaldiak erabiltzen ditugu? 

Bada, "jakin izan banu!" askotan ateratzen zaigun esaldia izaten da horrelakoetan.

Esaldi hori erabiltzeko moduko zenbait egoera landu ditugu klasean, eta hemen ditugu berriz ere gogora ekartzeko, eta esaldia ongi barneratzeko.

Hiru elkarrizketa dituzu entzungai, eta bakoitzaren ondotik elkarrizketan esaten denaren transkripzioa, hutsune batzuk betetzeko.

 

 

50 urte hamaika ekimen

Gu Arturo Campiongo arratsaldeko iluntzeko ikasleak gara, gaueko hamarrak arte jo eta ke aritzen garenak, eta testu honen bidez euskaltegiaren 50. urteurrenaren berri eman nahi dizuegu. Hurrengo lerroetan azalduko dizuegu modu labur batean euskaltegiaren historia, eta euskaltegia urteurrena ospatzeko prestatzen ari den izugarrizko ekimenak. 

Historia pixka bat

1971 / 72ko ikasturtean Compañia kaleko pisu batean hasi zen Arturo Campion euskaltegiaren ibilbidea. Nahiz eta urte horiek zailak egin zizkiguten aurreko erregimena jarraitzea nahi zutenek, berehala animatu zen jendea euskara ikastera. Poliki, ilusio hura handitzen joan zen, eta momentu batean ez zen pisu txiki hartan sartzeko modukoa. Zazpi urteren buruan, 1978an hain zuzen ere, mugitu ginen Comedias kalera, orain ere jarraitzen dugun tokira, lehenengo urteetako gogo berarekin.

Hemen dituzue ikusgai 50 urte hauetako hamaika irudi:

Urteurrenaren inguruan

50. urteurrena ospatzeko hamaika ekimen antolatu ditugu, eta horiek aurrera eramateko beharreko sosak lortzea izan da lehenengo pausoa, kroufundinggg bat irekitzea, alegia. Helburua 8.000 euro lortzea zen, eta epea bukatu zenean bete egin genuen. Diru honekin gauza asko egingo dugu, baina hiru dira garrantzitsuenak. 

Alde batetik, 50 urte hamaika istorio

liburua argitaratuko dugu, eta izenak esaten duen bezala, 11 idazlek eta beste hainbeste ilustratzailek kolaboratu dute. Idatzi dituzten testuak eta margotu dituzten marrazkiak euskaltegiarekin eta bere inguruko istorio eta esperientziekin lotuta daude.

Beste batetik, dokumental bat filmatuko dugu, eta bertan, euskaltegian bidea urratu zuten batzuek bere lekukotasuna emango dute, horien artean irakasleak zein ikasleak.

Martxoaren 5ean arratsaldeko 7etan Baluarteko kamara aretoan 50 urte hamaika soinu, musika, dantza eta antzerki ikuskizun paregabea gozatuko dugu.

Hasteko, clown antzezlantxo bat eskainiko digu teatrolarik; jarraian antolatzaileek ekitaldia aurkeztuko dute, ondoren Hutsun txalaparta taldea ariko da, gero Iruñeko Orfeoiaren Gazte Abesbatza eta Ortzadar taldeko dantzariak.

Sarrerak salgai daude baluarteko webgunean eta lehiatilan 15 euroan.

Maiatzaren 21ean Arturo Campionen egun berezia ospatuko dugu, baina egitaraua oraindik itxi gabe dago, aurrerago emando dugu horren berri.

Anima zaitezte ekimenetan parte hartzera, euskaraz aritzeko aukerarik ez duzue faltan izanen eta!

                                                                           

 

 

                                                                          

 

 

 

 

 

 

 

 

                                                                        ASTOAK

 

 

"Astoak xantza (laguntza) ematen dizu bideetan" halaxe dio Azkuek Zuberoan bildutako esaera zaharrak. Edota hizkuntzalari eta idazle berak jaso zuen beste hau ere: "Astoak ardoa ekarri eta ura edan". Asko dira euskal usadioan animalia xume eta eder honi buruzko esaerak eta atsotitzak. Izan ere,  garai batean astoa etxe gehienetan izaten baitzen.

- Asto, zeri so zaude?  Zer ari zara begiratzen?

Belarriek gorantz altxaturik, bere harridura azaltzen du. 

- Gure etxe barruan dauden gauzak? Akaso etxeko ondasunak nahiko zenituzke?

-Ez duzu gure bizimodua ulertzen eta horregatik, maiz, ergeltzat hartu izan zaituzte. Ba ote dute  arrazoirik? Guk behar guztiak ordaindu behar ditugu: jantziak, jakiak, sakeleko telefonoa, argindarra...eta horregatik noizbehinka banku-kontua begiratu behar izaten dugu ea zein kolorekoa den. Gorria edo beltza. -Zuek, ordea, ez duzue ezer behar, ez besaulki ezta argirik ere. Jantzi ere, ez zarete janzten eta larrugorritan ibiltzen zarete.

-Arestian esan dizudan bezala, guk besteekin telefonoz hitz egiten dugu, zuek arrantzaka egiten duzue eta elkar ulertzen omen duzue. Nor ote dira aurreratuenak?

-Mende askoan bidaia egiteko zuek zineten gure automobila. Garai batean esaten zen moduan, "utilitarioa". Eskukada bat lasto eta belar apur batekin astook kilometroak egiten zenituzten. Nabigatzaile automatikoa duzue...

Ziotenez, baserritar bat tabernan mozkortuta zegoelarik, lagunek asto gainean igo eta honek baserriraino eraman ohi zuen nagusia xuxen-xuxen eta inolako laguntzarik gabe. Hori adimena, hori!

Beharbada, argazkian etxe barrura begira dagoen astoak bart horixe bera egin du, alegia etxeko gizona bere gainean kaleko tabernatik baserrira ekarri, eta orain ea nola dagoen, ea esna ote den so dago. Batek daki!

Bukatzeko garaia ere badut, bestela beste atsotitz hark dioen bezalaxe, hemen izanen naiz zuek aspertzen "astarrak kumea egin arte".